ԵՐԵՎԱՆ, ՆՈՅԵՄԲԵՐԻ 11, 24News
ԵՊՀ ռեկտորի ժամանակավոր պաշտոնակատար Հովհաննես Հովհաննիսյանը ֆեյսբուքյան իր էջում գրել է.
«ԵՊՀ-ում ձևավորված է գեղեցիկ ավանդույթ՝ գնահատելու և արժևորելու լեգենդներին: Շարունակելով այս ավանդույթը՝ ԵՊՀ գիտական խորհուրդն այսօր միաձայն որոշել է Արևելագիտության ֆակուլտետի պրոֆեսոր Գուրգեն Մելիքյանին պարգևատրել ԵՊՀ «Պատվո շքանշանով»:
Գուրգեն Մելիքյանը Մայր բուհի խորհրդանիշներից մեկն է, լեգենդ, որի վաստակի մասին վկայում են նրա արված գործերը:
Գուրգեն Մելիքյանն իր կենսագրությամբ, գործունեությամբ ու վարքով իսկական մտավորականի, կոչումով մարդու և ճշմարիտ հայի անզուգական կերպար է:
Սիրելի՛ պրոֆեսոր, Ձեր խոսքն ու գործն օրինակներ են, որոնք ոգևորում են բոլորիս: Առողջ եղե՛ք, և թող այն անկոտրում եռանդը, որ ներդնում եք հանուն Հայաստանի ու Արցախի առաջընթացի, միշտ բերի իր ցանկալի արդյունքները»:
--00--ԱԹ