ԵՐԵՎԱՆ, ՀՈՒՆԻՍԻ 12, 24News
ՈւԵՖԱ-ն ներկայացրել է ակումբների նոր վարկանիշային աղյուսակը՝ հաշվի առնելով վերջին 5 մրցաշրջանի արդյունքները: Այս մասին հայտնում է Armsport.am-ը։
Անգլիայի չեմպիոն և գավաթակիր, Չեմպիոնների լիգայի նորընծա հաղթող «Մանչեսթեր Սիթին» առաջատարն է: Երկրորդ տեղում Մյունխենի «Բավարիան» է: Լավագույն եռյակը եզրափակում է Լոնդոնի «Չելսին»:
Հայկական ակումբներից նորընծա չեմպիոն «Ուրարտուն» 345-րդ տեղում է: Հայաստանի փոխչեմպիոն «Փյունիկը» 167-րդն է, իսկ բրոնզե մեդալակիր «Արարատ-Արմենիան»՝ 200-րդը:
Հիշեցնենք, որ հունիսի 10-ին Ստամբուլում կայացած Չեմպիոնների լիգայի եզրափակիչում «Մանչեսթեր Սիթին» նվազագույն հաշվով առավելության էր հասել Իտալիայի գավաթակիր Միլանի «Ինտերի» նկատմամբ ու պատմության մեջ առաջին անգամ դարձել ակումբային ամենահեղինակավոր մրցաշարի հաղթող: Հենրիխ Մխիթարյանը փոխարինման էր դուրս եկել 84-րդ րոպեին՝ դառնալով առաջին հայ ֆուտբոլիստը, որը մասնակցել է Չեմպիոնների լիգայի եզրափակիչին:
--00--ԶՀ