ԵՐԵՎԱՆ, ՀՈՒՆԻՍԻ 1, 24News
Արցախի հանրապետության ներքին գործերի նախարար Կարեն Սարգսյանը շնորհավորական ուղերձ է հղել երեխաների պաշտպանության միջազգային օրվա առթիվ: Ուղերձում ասվում է.
«Սիրելի՛ երեխաներ,
Ջերմորեն շնորհավորում եմ Ձեզ՝ Երեխաների պաշտպանության միջազգային տոն օրվա առթիվ:
Հունիսի 1-ը օրացույցի թերևս ամենալուսավոր տոներից մեկն է, որը մեզ նախ և առաջ պարտավորեցնում է անել անգամ անհնարինը, կենտրոնացնել ողջ ներուժը և գործի դնել բոլոր ջանքերը` մեր երեխաներին խաղաղ ու անվտանգ մանկություն և ապահով հայրենիքում արժանապատիվ ապրելու պայմաններ ստեղծենք:
Մաղթում եմ, որ յուրաքանչյուր երեխա մշտապես շրջապատված լինի ընտանեկան սիրով, անսահման ջերմությամբ ու հոգատարությամբ, և անկախ տարածաշրջանային բարդ իրադրությունից՝ ստանա որակյալ ու ժամանակակից կրթություն, քանի որ երկրի վաղվա օրը կկերտի նոր սերունդը:
Պայծառ գալիքի հավատով՝ մեկ անգամ ևս շնորհավորում եմ Արցախի ու աշխարհի բոլոր երեխաներին, մաղթում անհոգ մանկություն, հաջողություններ և ամենայն բարիք»:
--00—ԼՄ