ԵՐԵՎԱՆ, ՓԵՏՐՎԱՐԻ 22, 24News
Թուրքիայի նախագահականի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչն ընդունել է ԱՄՆ պետդեպարտամենտի և պաշտպանության նախարարության փոխքարտուղարներ Ջեյմս O'Բրայենին և Դեբորահ Ռոսենբլումին, ինչպես նաև նրանց հետ Թուրքիա այցելած պատվիրակությանը։
Հանդիպումը տեղի է ունեցել մայրաքաղաք Անկարայում գտնվող նախագահական նստավայրում:
Քննարկվել են Թուրքիա-ԱՄՆ հարաբերությունները և տարածաշրջանում ու աշխարհում տեղի ունեցող զարգացումները։ Անդրադարձ է կատարվել պաշտպանության ոլորտում առկա համագործակցությանը: Եղել է նաև տեսակետների փոխանակում:
Նշենք, որ հանդիպմանը որպես պատվիրակության անդամներ ներկա են գտնվել նաև ԱՄՆ պաշտպանության նախարարության փոխքարտուղարի տեղակալ Վփին Նարանգը և Անկարայում ԱՄՆ դեսպան Ջեֆ Ֆլեյքը:
--00—ՅՄ