ԵՐԵՎԱՆ, ՄԱՐՏԻ 2, 24News
Բաքվին չենք կարող ստիպել՝ համաձայնվել այն կարգավիճակի հետ, որն ունի Լեռնային Ղարաբաղը, մեզանից առավել հզոր ուժերը ևս չեն ստիպում նրանց, հետևաբար՝ մնում է երրորդ ճանապարհը՝ փոխհամաձայնության գալ, որը հնարավոր է միայն բանակցելով, ինչն արդեն սկսվել է, պետք է ըստ Բաքվի առաջարկների և մեր պահանջների երկխոսություն վարել, ինչը Բաքուն և Ստեփանակերտը իրականացնում են: Այս մասին 24News-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը:
Պատգամավորի կարծիքով, իմաստ չունի Հայաստանի մասնակցությունը Ստեփանակերտ-Բաքու բանակցություններին, եթե արցախցիները հրաժարվեն առանց Հայաստանի բանակցել, այդ ժամանակ կքննարկվի ՀՀ-ի մասնակցության հարցը. «Ադրբեջանն արցախահայության հետ բանակցում է, մենք գնանք նստենք այնտեղ ի՞նչ անենք: Ենթադրենք, Բաքուն ասում է՝ մենք չենք ուզում ձեր հետ բանակցել, ցտեսություն, ի վերջո, մեր նպատակն է, որ Արցախի տարածքը չհայաթափվի, կարող ենք Արցախ գոռալ, բայց մեր նպատակը Արցախում միջազգային երաշխիքներ ապահովելն է: Ոմանց նման Արցախը մեր համար գործիք չէ, այն նպատակ է, որի համար պայքարում ենք»:
Մանրամասները՝ տեսանյութում:
Հերմինե Միքայելյան
--00—ԱՊ