ԵՐԵՎԱՆ, ՕԳՈՍՏՈՍԻ 5, 24News
Փաշինյանն ու Ալիևը ամեն ինչ արեցին, որ Աղդամը կյանքի ճանապարհ դառնա Արցախի համար։ Այս մասին 24TV-ի «Հարցազրույց Կարպիս Փաշոյանի հետ» հաղորդման եթերում նշեց ռազմական փորձագետ, պահեստազորի գնդապետ Հայկ Նահապետյանը։
Նահապետյանի համոզմամբ, այս անգամ հենց Արցախի իշխանություններն են որոշել գնալ ինտեգրացիայի, վերջում Նիկոլ Փաշինյանը կասի, որ ինքը կապ չունի, քանի որ իրենք են այդպիսի որոշում կայացրել։ Ըստ փորձագետի՝ արցախահայերի էվակուացիան այդպես հեշտ չի կարող լինել, քանի որ մարդիկ պարտադիր ֆիլտրացիա պետք է անցնեն։
Նրա կարծիքով, ձերբակալման ենթակա մարդկանց ցանկեր կան, շուրջ 300 հոգի, որն ամեն պահ կարող է 3000 դառնալ։ Ըստ Նահապետյանի՝ Ադրբեջանը միջազգային հետախուզում է հայտարարելու նաև ՀՀ-ի և Արցախի նախկին նախագահների նկատմամբ, այդ թվում՝ Նիկոլ Փաշինյանի։
Մանրամասները՝ տեսանյութում:
--00—ԱՊ