ԵՐԵՎԱՆ, ՀՈՒՆԻՍԻ 15, 24News
Ազգային ժողովի հերթական նիստերի օրակարգում վաղը՝ հունիսի 16-ին, կորոշվի ԲՀԿ առաջնորդ Գագիկ Ծառուկյանին անձեռնմխելիությունից զրկելու միջնորդությունը։ Այս մասին ֆեյսբուքյան իր էջում տեղեկացրել է ԱԺ նախագահ Արարատ Միրզոյանը։
«Համաձայն «Ազգային ժողովի կանոնակարգ» սահմանադրական օրենքի 108-րդ հոդվածի 1-ին մասի՝ տեղեկացնում եմ, ՀՀ գլխավոր դատախազի կողմից ստացել եմ ՀՀ Ազգային ժողովի պատգամավոր Գագիկ Կոլյայի Ծառուկյանի նկատմամբ քրեական հետապնդում հարուցելուն համաձայնություն տալու վերաբերյալ եւ ՀՀ Ազգային ժողովի պատգամավոր Գագիկ Կոլյայի Ծառուկյանին ազատությունից զրկելուն համաձայնություն տալու վերաբերյալ միջնորդագրեր։
Հարցերն ընդգրկվել են հունիսի 16-ին մեկնարկող հերթական նիստերի օրակարգում»,- գրել է նա։
--0--ԱՀ