ԵՐԵՎԱՆ, ՀՈԿՏԵՄԲԵՐԻ 14, 24News
Երևանի քաղաքապետարանի «Կանաչապատում և շրջակա միջավայրի պահպանություն» համայնքային ոչ առևտրային կազմակերպության ավտոպարկը համալրվել է նոր բեռնատարներով և ջրցան մեքենաներով։ Այս մասին «Ֆեյսբուք»-ի իր էջում տեղեկացրել է Երևանի փոխքաղաքապետ Տիգրան Ավինյանը։
«Ուրախ եմ տեղեկացնել, որ նոր բեռնատարները և ջրցան մեքենաները արդեն ժամանեցին Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի ավտոպարկ:
Այսուհետ այլևս չեն լինի ավտոպարկի մաշվածության պատճառով առաջացող խնդիրները և կանաչապատման և բարեկարգման ծրագիրը կընթանա շատ ավելի արագ։
Բեռնատարները ոլորտի կարիքներին կծառայեն տարվա բոլոր եղանակներին»,- գրել է Երևանի փոխքաղաքապետը:
--00--ԱՀ