ԵՐԵՎԱՆ, ՆՈՅԵՄԲԵՐ 15, 24News
Կառավարության գործունեությանը գնահատականներ տալու համար վաղ է, բայց երկար ճանապարհ պետք է անցնել՝ հասարակությանը հանդարտեցնելու համար։ 24News-ի եթերում այդ մասին ասել է Երևանի Մնջախաղի պետական թատրոնի գեղարվեստական ղեկավար Ժիրայր Դադասայանը։
«Բայց և հավատում եմ, որ այս ընտրություններից հետո հանգստություն կիջնի և խոսքից կանցնենք իրական գործի»,- ասաց նա։
Թատրոնի գեղարվեստական ղեկավարը նշում է, որ հեղափոխությունից հետո մշակույթի նախարարության հետ առաջացած անհամաձայնությունների պատճառով Երևանի Մնջախաղի պետական թատրոնին հատկացված տարածքի վերջնական լուծման գործընթացը փակուղում է հայտնվել։
Մշակույթի նախարարության համար շենքի վերափոխումն անընդունելի է, Ժիրայր Դադասյանի համար էլ՝ նախարարության մոտեցումը: