ԵՐԵՎԱՆ, ՄԱՐՏԻ 10, 24News
Անթալիայի դիվագիտական ֆորումին Հայաստանի մասնակցությունն առանձնապես ոչ մի բան չի տա, բայց չեմ կարծում, որ վատ էլ լինի երկրի համար։ Այս մասին 24News-ին ասաց արևելագետ, ԳԱԱ ակադեմիկոս Ռուբեն Սաֆրաստյանը։
Մարտի 7-ին Հայաստանի արտաքին գործերի նախարարության մամուլի քարտուղար Վահան Հունանյանը նշել էր, որ ԱԳ նախարար Արարատ Միրզոյանը կմասնակցի մարտի 11-13-ը Թուրքիայի Անթալիա քաղաքում անցկացվող դիվանագիտական ֆորումին։
Ակադեմիկոս Ռուբեն Սաֆրաստյանի խոսքերով՝ գուցե հնարավորություն լինի այս դիվանագիտական ֆորումի շրջանակներում հանդիպումներ կազմակերպել Հայաստանի արտաքին քաղաքական գերատեսչության ղեկավարի և այլ երկրների ԱԳՆ ղեկավարների միջև, որը «հնարավորություն կստեղծի Հայաստանի տեսակետը փոխանցել օրինակ Արցախի հետ կապված»։
«Անթալիայի դիվանագիտական ֆորումը Թուրքիայի հերթական միջացառումն է, որի նպատակն է Թուրքիայի հեղինակությունն աշխարհում բարձրացնել։ Դրա համար հրավիրել են տասնյակ երկրներից ղեկավարների և արտգործնախարարների, հայտնի լրագորղների և այլն։ Սակայն առանձնապես Հայաստանի այս մասնակցությամբ չեմ տեսնում ոչ մի մեծ օգուտ, ոչ մի առավելություն, որ կստանանք, վնաս էլ առանձնապես չենք ստանա», - ընդգծեց արևելագետը։
Սաֆրաստյանն ասաց, որ մասնակցությունից հրաժարվելով էլ Հայաստանը որևէ բան չէր ստանա։ «Չենք մերժել, գնացել է ԱԳ նախարաը։ Գուցե, ինչպես ասացի, հանդիպումներ լինեն, Հայաստանի տեսակետը ներկայացվի։ Կարևոր է, որ մենք մեր տեսակետներն աշխարհի տարբեր երկրների ներկայացուցիչներին փոխանցենք։ Ուրիշ բան, ճիշտն ասած, ես չեմ տեսնում ասյտեղ», - եզրափակեց նա։
--00--ԿԿ