ԵՐԵՎԱՆ, ՀՈՒԼԻՍԻ 18, 24News
Թուրքիայի արտգործնախարար Հաքան Ֆիդանը հուլիսի 18-ին հեռախոսազրույց է ունեցել ռուսաստանցի գործընկերոջ՝ Սերգեյ Լավրովի հետ: Այս մասին հայտնում է Ermenihaber.am-ը։
Տեղեկությունների համաձայն՝ նախարարները քննարկել են Սևծովյան հացահատիկային միջանցքի վերագործարկմանը վերաբերող հարցեր, ինչի շուրջ Լավրովը որոշակի պայմաններ է առաջ քաշել:
Բացի այդ, նշվում է, որ Ֆիդանը Թուրքիայում բռնկված անտառային հրդեհները մարելու նպատակով Ռուսաստանից մեծ ինքնաթիռ է խնդրել:
Ավելի վաղ Ֆիդանը վերոհիշյալ միջանցքի շուրջ ծավալվող զարգացումները քննարկել էր ՄԱԿ-ի գլխավոր քարտուղար Անտոնիո Գուտերեշի հետ:
Հիշեցնենք, որ Սևծովյան հացահատիկային միջանցքի համաձայնագիրը դադարեցնելու որոշման մասին Կրեմլը հայտարարություն էր տարածել հուլիսի 17-ին:
--00—ԶՀ