Արամուսում նոր մանկապարտեզ է կառուցվելու

ԵՐԵՎԱՆ, ՍԵՊՏԵՄԲԵՐԻ 10, 24News

1

Կոտայքի մարզի Արամուս համայնքում նոր մանկապարտեզ է կառուցվելու:

Այս մասին ֆեյսբուքյան իր էջում գրել է Կոտայքի մարզպետ Ռոմանոս Պետրոսյանը:

«Շուրջ 3 800 բնակիչ ունեցող համայնքն ունենալու է մոտ 1.750 ք/մ ընդհանուր մակերեսով հրաշալի մանկապարտեզ, որը նախատեսված է 6 խմբերի համար: Արամուսում շուրջ 150 փոքրիկներ կհաճախեն ժամանակակից նախադպրոցական հաստատություն:  

467 մլն ՀՀ դրամի ընդհանուր ծրագրային արժեքով` ՀՀ կառավարությունն արդեն հաստատել է 200 մլն արժեքով սուբվենցիոն հայտը: Մանկապարտեզը կառուցվելու է դպրոցամերձ հատվածում, իսկ վաղը շինարարությունն իրականացնող ընկերության ընտրության մրցույթն է հայտարարվելու»,- գրել է Պետրոսյանը: