ԵՐԵՎԱՆ, ԱՊՐԻԼԻ 29, 24News
Եվրամիությունում կորոնավիրուսի դեմ պատվաստման վկայագրերը պետք է ներդրվեն առավելագույնը 1 տարի ժամկետով: Ինչպես տեղեկացնում է ՏԱՍՍ-ը, այս պահանջի մասին հստակեցվում է ԵԽ-ի դիրքորոշման մեջ:
Այդ վկայագրերը ծառայելու են որպես ճանապարհորդական փաստաթուղթ կամ ազատ տեղաշարժի իրավունքի իրացման նախապայման:
«Ովքեր ունեն նման վկայագրեր, չպետք է ենթարկվեն ճանապարհորդական լրացուցիչ սահմանափակումների, ինչպիսիք են կարանտինը, ինքնամեկուսացումը կամ թեստավորումը: Չպատվաստվածների նկատմամբ խտրականությունից խուսափելու համար ԵՄ երկրները պետք է ապահովեն համընդհանուր, մատչելի, ժամանակին և անվճար թեստավորումներ»,- հայտնել են պատգամավորները:
--0--ԿԿ