«Դիլիջան ազգային պարկի» անտառապահն իրեն վստահված պահաբաժնից 2 ուռենի էր ապօրինի հատել

ԵՐԵՎԱՆ, ՕԳՈՍՏՈՍԻ 10, 24News

Օգոստոսի 7-ին՝ ժամը 11.30-ի սահմանում, պարեկային ծառայության Լոռու մարզի գումարտակի ոստիկաններից մեկը Դիլիջան-Վանաձոր ճանապարհի հարակից անտառից բենզասղոցի ձայն լսելով՝ Դիլիջանի բաժին էր ահազանգել և խնդրել, որ օպերատիվ խումբ մոտենա: Րոպեներ անց բաժնի քրեական հետախույզներն ու պարեկները համատեղ միջոցառումներով պարզեցին, որ նույն օրը «Դիլիջան ազգային պարկի» «Շամախյան» տեղամասի անտառապահն իրեն վստահված պահաբաժնից 2 ուռենի էր ապօրինի հատել:

40-ամյա անտառապահը ձերբակալվեց և, մեքենայով հանդերձ, տեղափոխվեց ոստիկանության Դիլիջանի բաժին:

Նա ներկայացվել է տարածքային նախաքննական մարմին:

Հանգամանքները նախաքննությամբ պարզվում են:

--00--ԼՄ

Տեսանյութեր