34–ամյա վարորդը Mercedes-ով բախվել է նոր կառուցվող ճանապարհի քարերին. կան վիրավորներ

ԵՐԵՎԱՆ, ՕԳՈՍՏՈՍԻ 2, 24News

ю

Այսօր՝ օգոստոսի 2-ին,  ավտովթար է տեղի ունեցել Արագածոտնի մարզում: Ժամը 17:40-ի սահմաններում Շիրակի մարզի բնակիչ, 34-ամյա Մխիթար Դավթյանը իր վարած Mercedes մակնիշի ավտոմեքենայով Երևան-Գյումրի ավտոճանապարհի 83-րդ կմ հատվածում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել քարերին:

Ինչպես հայտնում է Shamshyan.com-ը, վթարի հետևանքով  վարորդ Մ. Դավթյանը, ուղևորներ, Շիրակի մարզի բնակիչներ, 66-ամյա Դավիթ Դավթյանն ու 47-ամյա  Հայկ Առաքելյանը մարմնական վնասվածքներով տեղափոխվել են «Թալին» բժշկական կենտրոն:

 Օպերատիվորեն դեպքի վայր է ժամանել Արտակարգ իրավիճակների նախարարության փրկարար ծառայության Թալինի թիվ 32 հրշեջ-փրկարարական ջոկատը՝ 1 մարտական հաշվարկով:

Դեպք վայր են ժամանել ճանապարհային ոստիկանության  2-րդ սպայական գումարտակի 2-րդ վաշտի 1-ին դասակի ծառայողները՝ վաշտի հրամանատար Վաչե Մալաքյանի, դասակի հրամանատար Հրանտ Գալստյանի գլխավորությամբ:

Ժամանել են նաև նույն վաշտի ավագ հետաքննիչներ Հայկ Վարդանյանն ու Անուշավան Աղաջանյանը:

Փաստի առթվ Ա. Աղաջանյանի կողմից նյութեր են նախապատրաստվում:

Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ  Տիգրան Բարսեղյանը տեղեկությունը փոխանցել է ոստիկանության Թալինի բաժին, որտեղից ժամանել է հերթապահ խումբը՝ համայնքային ոստիկանության բաժանմունքի տեսուչ Մարգարյանի գլխավորությամբ:

Օպերատիվ են գործել Թալինի հիվանդանոցի բժիշկները, վիրավորներին էլ առաջինը օգնության են հասել քաղաքացիներն ու  վթարի հարևանությամբ ճանապարհաշինարարական աշխատանքներ կատարողները:

--00--ԱՀ