ԵՐԵՎԱՆ, ՀՈԿՏԵՄԲԵՐ 5, 24News
ՀՀ Մարդու իրավուքնների պաշտպան Արման Թաթոյանը շնորհավորել է ուսուցիչներին մասնագիտական տոնի կապակցությամբ։
«Սիրելի՛ ուսուցիչներ, սիրով շնորհավորում եմ ձեզ մասնագիտական տոնի կապակցությամբ: Յուրաքանչյուրս է խոր ակնածանքով հիշում իր ուսուցիչներին: Դուք եք, որ յուրաքանչյուրիս մեջ սերմանել եք հայրենիքի, ընտանիքի և իրար նկատմամբ սիրո ու հարգանքի բարձր արժեքները:
Ձեր մասնագիտական գործն անփոխարինելի է: Դուք ամենօրյա սրտացավ աշխատանքով եք ապահովում երեխաների ներառական և որակյալ կրթությունը մեր երկրի յուրաքանչյուր բնակավայրում:
Ձեր հետևողական սրտացավ աշխատանքն է, որ նպաստում է կրթված և իրավագիտակից քաղաքացի ունենալուն: Ուսուցչի պաշտպանությունը պետք է լինի բոլորիս խնամքի և հոգածության առարկան՝ մեզնից յուրաքանչյուրին վերապահելով ուսուցչի մասնագիտական տոնը նշելու բարձր պատիվը:
Առողջություն և ամենայն բարիք ձեզ և ձեր ընտանիքներին», - ասված է շնորհավորական ուղերձում։