ԵՐԵՎԱՆ, ՄԱՐՏԻ 12, 24News
Երևանի ընդհանուր իրավասության դատարանի որոշմամբ՝ ԱԺ «Հայաստան» խմբակցության պատգամավոր Լևոն Քոչարյանի՝ երկրից չբացակայելու խափանման միջոցը փոխվեց։
Դատարանը որոշեց կիրառել գրավ 2 մլն դրամի չափով։
Հիշեցնենք, որ Լևոն Քոչարյանը նախորդ տարվա սեպտեմբերի 22-ին Երևանում՝ Փաշինյանի հրաժարականը պահանջող ընդդիմության ակցիայի ժամանակ բերման էր ենթարկվել, ավելի ուշ նրան մեղադրանք էր առաջադրվել «ոստիկանի նկատմամբ բռնություն գործադրելու համար» հոդվածով։
Լևոն Քոչարյանը նույն օրն էլ ձերբակալվել, ապա կալանավորվել էր 1 ամիս ժամկետով։ Նա ազատ արձակվեց մի քանի ամիս անց՝ նոյեմբերի 6-ին, պատգամավորական մանդատը ստանալուց հետո։
Լևոն Քոչարյանի փաստաբանները պնդում են, որ իրենց պաշտպանյալը որևէ հակաիրավական գործողություն չի արել, և, որ սա քաղաքական հետապնդում է նրա նկատմամբ։
--00—ՍՊ