Երևանի 49-րդ մանկապարտեզի աշխատակիցը կորոնավիրուսով է վարակվել. նախակրթարանը փակ կմնա

ԵՐԵՎԱՆ, ՄԱՅԻՍԻ 22, 24News 

կորոնավիրուս

Երևանի Նորաշեն թաղամասի թիվ 49 մանկապարտեզի տեխնիկական անձնակազմի անդամներից մեկի մոտ կորոնավիրուս է հաստատվել: Այդ մասին 24News-ին տեղեկացրեց Երևանի քաղաքապետի մամուլի քարտուղար Հակոբ Կարապետյանը։ 

«Թեստի պատասխանը դրական էր, այսօր է ստացվել, պարզվել է նաև կոնտակտավորների շրջանակը, բոլորն ինքնամեկուսացել են, որոշ ժամանակ անց պարզ կդառնա՝ նրանց թվում վարակակիր կա՞, թե ոչ»,- նշեց խոսնակը:

Հակոբ Կարապետյանի խոսքով՝ մանկապարտեզն անորոշ ժամանակով փակ կմնա, մինչև բժիշկները, մասնագետները բացելը ճիշտ կհամարեն:

Ավելի վաղ տեղեկացրել էինք, որ մայիսի 18-ին վերաբացված մանկապարտեզներից չէր բացվել միայն Երևանի թիվ 49 մանկապարտեզը, քանի որ աշխատակիցներից մեկի ջերմությունը բարձր էր եղել։ Որոշում էր կայացվել նրան թեստավորել, իսկ մյուս աշխատակիցներին ինքնամեկուսացման հրահանգ էր տրվել:

Սոնա Գրիգորյան

Տեսանյութեր

Live

Լրահոս