ԵՐԵՎԱՆ, ՀՈՒՆՎԱՐԻ 31, 24 News
Միգրանտների (հավանաբար՝ Տաջիկստանից) զանգվածային ծեծկռտուք է տեղի ունեցել Մոսկվայի հարավում։ Ոստիկանության բաժանմունք է բերվել 66 ենթադրյալ իրավախախտ։ Այս մասին ՏԱՍՍ-ին տեղեկացրել է աղբյուրն իրավապահ մարմիններում։
«Երեկ երեկոյան Վոստրյակովյան անցումում տեղի է ունեցել զանգվածային ծեծկռտուք, ենթադրաբար՝ Տաջիկստանի քաղաքացիների միջեւ, որոնք օգտագործել են տրավմատիկ զենք։ Ծեծկռտուքին մասնակցել է մոտ 15 մարդ։ Ոստիկանություն է բերվել 66 մարդ, որոնք կասկածվում են ծեծկռտուքին մասնակցության մեջ»,- ասել է գործակալության զրուցակիցը։
Հարուցվել է քրեական գործ զենքի կիրառմամբ խուլիգանության մասին։
--00--ՍԳ