ԵՐԵՎԱՆ, ՄԱՅԻՍԻ 4, 24News
«Հայաստան» խմբակցության պատգամավոր Գառնիկ Դանիելյանն իր ֆեյսբուքյան էջում գրել է.
«Օրերս հարցում էի ուղարկել Էկոնոմիկայի նախարարությանն ու Սննդամթերքի անվտանգության տեսչական մարմնին՝ ՀՀ-ում ձիերի լայնամասշտաբ սպանդի և շուկաներում տավարի մսի փոխարեն իրացվելու տեղեկությունների կապակցությամբ։
Ստացել եմ պատասխան, որ Սննդամթերքի անվտանգության տեսչական մարմինը ուսումնասիրել է ձիերի սպանդի վերաբերյալ իմ գրությունը և հայտնում է, որ Հայաստանի Հանրապետության տարածքում ձիերի մասսայական սպանդի վերաբերյալ տեղեկատվություն չունի, և որ մսի իրացմամբ զբաղվող կազմակերպություններում իրականացված պետական վերահսկողության ընթացքում՝ տավարի մսի փոխարեն ձիու մսի իրացման դեպքեր չեն հայտնաբերվել։
Պատասխանն ինձ համար համոզիչ չէ։ ՀՀ-ում հազարավոր ձիեր կան, և ոչ մի տեղ չի երևում, թե ձիերի մորթը ինչպես, որտեղ և ում կողմից է իրականացվում, և այդ ամենից հետո՝ ինչպես է իրացվում։
Խնդիրն առկա է, նույնիսկ եթե ՍԱՏՄ-ն այն դեռևս չի արձանագրել»։
--00—ԶՀ