ԵՐԵՎԱՆ, ՄԱՅԻՍԻ 9, 24News
Ռուսաստանի նախագահ Վլադիմիր Պուտինը Կրեմլի Զինասրահում հանդիպել է Մոսկվա ժամանած բոլոր օտարերկրյա առաջնորդների հետ, որոնք մասնակցել են Կարմիր հրապարակում Հաղթանակի շքերթին։
Նախագահն անձամբ է ձեռքսեղմումով ողջունել յուրաքանչյուր բարձրաստիճան հյուրի։
Կրեմլ են ժամանել ԱՊՀ երկրների գրեթե բոլոր ղեկավարները՝ Բելառուսի նախագահ Ալեքսանդր Լուկաշենկոն, Հայաստանի վարչապետ Նիկոլ Փաշինյանը, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոնը, Թուրքմենստանի նախագահ Սերդար Բերդիմուհամեդովը, Ուզբեկստանի նախագահ Շավքաթ Միրզիյոևը:
Ի հիշատակ Հայրենական մեծ պատերազմի հերոսների՝ Պուտինի բաճկոնի գրպանիկը զարդարվել է Սուրբ Գեորգիի ժապավենով։
Ավելի վաղ հայտնել էինք՝ վարչապետ Նիկոլ Փաշինյանը ՌԴ նախագահ Վլադիմիր Պուտինի հրավերով մեկնել է Մոսկվա՝ մասնակցելու մայիսի 9-ին անցկացվելիք՝ Հայրենական մեծ պատերազմի հաղթանակին նվիրված միջոցառումներին:
--00—ԶՀ