ԵՐԵՎԱՆ, ՀՈՒՆԻՍԻ 9, 24News
«Մանչեսթեր Սիթիի» գլխավոր մարզիչ Խոսեպ Գվարդիոլան կիսվել է Միլանի «Ինտերի» դեմ Չեմպիոնների լիգայի եզրափակիչ խաղից ունեցած սպասելիքներով, - գրում է Armsport-ը։
«Ֆավորիտի կարգավիճա՞կը. հաշվի առնելով մրցաշարի ամբողջ պատմությունը՝ «Ինտերը» գերազանցում է մեզ, բայց դա նշանակություն չունի։ Կարևոր չէ՝ դու ֆավորիտ ես, թե ոչ։ Վաղը շատ կարևոր է լավագույն արդյունքի հասնելը։ Այս օրը «Ինտերի» և «Սիթիի» երկրպագուները կկարողանան տոնել և վայելել խաղը: Այն, ինչ անցյալում էր, անցյալում է, իսկ Չեմպիոնների լիգան անհավանական մրցաշար է։ Մենք պատրաստվում ենք լավագույն խաղը ցուցադրել և փորձել զվարճանալ։
Հոլանդի մարզավիճա՞կը. Ես այստեղ չեմ, որպեսզի խոսեմ Էրլինգ Հոլանդի գոլերի մասին: Եթե կասկածում եք, որ Հոլանդն ունակ է գոլեր խփել, ապա դուք ձեր տեսակի միակ մարդն եք։ Ես ոչ մի կասկած չունեմ։ Վաղը նա պատրաստ կլինի օգնել մեզ հաղթել Չեմպիոնների լիգայում։
Չեմպիոնների լիգայում հաղթելը երազանք է. ինչ-որ մեծ բանի հասնելու համար միշտ պետք է մի փոքր տարված լինել: Այս համատեքստում մոլուցքը դրական բառ է։ Ես տարված եմ այս երազանքով»,- Գվարդիոլա խոսքերն է փոխանցում Sky Sports-ը:
--00—ՍՊ