ԵՐԵՎԱՆ, ՓԵՏՐՎԱՐԻ 13, 24News
Կառավարությունը նախատեսում է 2024 թվականին ևս Հայաստանից կոնյակի սպիրտի արտահանման համար տնտեսավարողներին աջակցություն տրամադրել։ 100 հազար լիտրը գերազանցելու դեպքում արտահանվող յուրաքանչյուր լիտր կոնյակի սպիրտի դիմաց պետական տուրքի՝ 100 դրամի չափով աջակցությունը կշարունակի գործել, սակայն, միայն բարձրորակ կոնյակի սպիրտի համար: Այս աջակցությունը նպատակ ունի մեղմել տնտեսավարողների մոտ կուտակված շուրջ 30 մլն լիտր կոնյակի սպիրտի իրացման խնդիրն ու խաղողի մթերման կազմակերպման համար պայմաններ ապահովել, այսպես ասած՝ խաղողի մթերման համար տեղ ազատել:
«Արմենպրես»-ի հետ զրույցում շրջանառության մեջ դրված նախագծի վերաբերյալ մանրամասներ ներկայացրեց Էկոնոմիկայի նախարարության Ագրովերամշակման վարչության պետ Գևորգ Ղազարյանը:
Հայաստանում կոնյակի սպիրտի արտադրությունը և մինչև 100 000 լիտրի իրացումը ծանուցման ենթակա գործունեություն է: Այս գործունեության համար տարեկան պետական տուրքը 10 մլն դրամ է: 100 000 լիտրը գերազանցող յուրաքանչյուր լիտրի համար լրացուցիչ 100 դրամ պետական տուրք է նախատեսված:
Էկոնոմիկայի նախարարության պաշտոնյան տուրքի վերադարձի աջակցությունը պայմանավորեց տեղական արտադրողին, արտահանողին խրախուսելու ցանկությամբ, որ կոնյակի սպիրտ արտահանող տնտեսավարողը գնային առումով ավելի մրցունակ լինի:
Մանրամասն՝ սկզբնաղբյուր կայքում։
--00—ՅՄ