ԵՐԵՎԱՆ, ՀՈՒՆԻՍԻ 28, 24News
«ՏԱՍՍ» գործակալությանը տված հարցազրույցում Եվրասիական տնտեսական հանձնաժողովի կոլեգիայի նախագահ Տիգրան Սարգսյանը հայտարարել է, որ Եվրասիական տնտեսական միության ընդլայնում մասնակից նոր երկրների հաշվին առայժմ չի պլանավորվում:
«Օրակարգում առայժմ նման հարց չունենք։ Ինտեգրացիայի զարգացման ներկա փուլում պետք Է այն խորացնենք, ոչ թե ընդլայնենք: Հանենք խոչընդոտները, սահմանափակումները, բացառումները, որպեսզի մեր ընդհանուր շուկաները լիարժեք աշխատեն:
Այդժամ մեր միության գրավչությունը բազմակի կմեծանա: Ուստի պետությունների ղեկավարները մեր առջև ահա այդ խնդիրն են դրել: Այժմ ավելի ճիշտ Է աճել խորանալով, քան ընդլայնվելով»,- ասել է Տիգրան Սարգսյանը: