ԵՐԵՎԱՆ , ՕԳՈՍՏՈՍԻ 02, 24News
Քիչ առաջ արտակարգ դեպք է տեղի ունեցել Կոտայքի մարզում։ Դեռևս անհայտ պայմաններում, ըստ նախնական տեղեկությունների՝ պայթյունի ձայն է լսվել Երևան-Սևան ավտոճանապարհի Արծվի թևերի հարևանությամբ գտնվող կամրջի հատվածում։ Այդ մասին հայտնում է shamshyan.com-ը։
Պայթյունի հետևանքով վնասվել են նշված վայրում կայանված Range Rover մակնիշի 555 LL 05 համարանիշի և Nissan մակինիշի 35 MD 686 համարանիշի ավտոմեքենաները։
Ըստ նախնական տեղեկությունների՝ տուժածներ չկան։
Տեղում աշխատում են նաև Ոստիկանության Կոտայքի մարզային վարչության փորձաքրեագետները։
Աղբյուրի տեղեկություններով՝ Range Rover-ը պատկանում է Ազգային ժողովի նախկին պատգամավոր, գործարար «Շշի Մելո» մականվամբ՝ Մելիք Մանուկյանին։
Փաստի առթիվ Կոտայքի մարզային քննչական վարչությունում նյութեր են նախապատրաստվում։