Կոռուպցիայի դեմ պայքարի պրոցեսը պետք է ենթարկենք ռեստարտի․ Փաշինյան

ԵՐԵՎԱՆ, ՍԵՊՏԵՄԲԵՐԻ 20, 24News

1

«Կոռուպցիայի դեմ պայքարին երկրում պետք է նոր թափ հաղորդենք և այս պրոցեսը ենթարկենք ռեստարտի», -այսօր իրավապահ մարմինների հետ հանդիպմանն ասել է ՀՀ վարչապետ Նիկոլ Փաշինյանը։

Հանդիպմանը ներկա են եղել նաև ԱԱԾ-ի և ոստիկանության նորանշանակ ղեկավարների ժամանակավոր պաշտոնակատարները։

«Չափազանց կարևոր եմ համարում ոչ միայն նախկինում տեղի ունեցած կոռուպցիոն բնույթի հանցագործությունները բացահայտելը, այլև համոզված եմ, որ եթե բավարար չափով սկզբունքային չլինենք այս հարցում, կոռուպցիան մի երևույթ է, որը նոր պայմաններին ադապտացվելու ձևերը կգտնի», - ասել է վարչապետը՝ ընդգծելով, որ բացի նախկինում տեղի ունեցած կոռուպցիոն դեպքերի բացահայտումներից, կարևոր է նաև կոռուպցիայի դեմ պայքարը այսօրվա պետական կառավարման համակարգի համար։

Վարչապետը հույս է հայտնել, որ քննարկումների արդյունքում կապահովեն իրավապահ համակարգի փոխգործակցության լիարժեքությունը։

«Այս ընթացքում որոշակի խնդիրներ են առաջացել նաև այս ոլորտում», - ասել է վարչապետը։

Նա նշել է, որ վերջին մեկուկես տարվա ընթացքում պետությանը և ժողովրդին հասցված 51 մլրդ դրամ գումար է վերականգնվել։

 

Տեսանյութեր

Live

Լրահոս

Related news