ԵՐԵՎԱՆ, ՍԵՊՏԵՄԲԵՐԻ 28, 24News
Սեպտեմբերի 28-ին տեղի ունենալիք Մադրիդի «Աթլետիկոյի» հետ խաղից առաջ «Ռեալի» միանգամից 10 ֆուտբոլիստ դոպինգ նմուշ է հանձնել, հայտնում է Marca-ն:
Սեպտեմբերի 27-ին տեղի ունեցած մարզման ընթացքում «Ռեալի» մարզաբազա են այցելել ՈւԵՖԱ-ի ներկայացուցիչները և ընտրել այն ֆուտբոլիստներին, որոնք պետք է դոպինգ նմուշ հանձնեն:
Այս շաբաթ «Ռեալի» ֆուտբոլիստներն արդեն երկրորդ դոպինգ նմուշն են հանձնել:
«Աթլետիկո Մադրիդ» - «Ռեալ Մադրիդ» հանդիպումը կմեկնարկի Երևանի ժամանակով 23:00-ին: