ԵՐԵՎԱՆ, ՓԵՏՐՎԱՐԻ 12, 24News
ԲԸՏՄ ղեկավար Գնել Հասրաթյանը հանդիպել է Վայրի բնության համաշխարհային հիմնադրամի հայաստանյան մասնաճյուղի տնօրեն Կարեն Մանվելյանի հետ, ով բազմաթիվ բնապահպանական ծրագրերի հեղինակ ու նախաձեռնող է և իր մեծ ներդրումն ունի Հայաստանի բնության պահպանման գործում։
«Նման մարդու գիտելիքներն ու փորձը առիթ են հանդիսանում պարբերաբար հանդիպել և քննարկել մայր բնությանը վերաբերվող մտահոգությունները։
Այս անգամ անդրադարձել ենք մի շարք հարցերի, մասնավորապես, վերահսկման ոլորտի արդյունավետությանը, հանրության հետ իրազեկման ու կանխարգելման միջոցառումների էֆեկտիվությանը և որակի բարելավմանը: Մոտ ժամանակներս արդյունքները կլինեն տեսանելի։
Բնապահպանության և ընդերքի տեսչական մարմինը պատրաստ է քննարկել և կիսվել մասնագիտական փորձով այն միջազգային կազմակերպությունների հետ, որոնք բնապահպանական ոլորտում ունեն հաջողված փորձ»,- Ֆեյսբուքի էջում գրել է Հասրաթյանը։
--00—ՄՀ