ԵՐԵՎԱՆ, ՓԵՏՐՎԱՐԻ 14, 24News
Սու-30ՍՄ կործանիչների ռուսական եւ բելառուսական անձնակազմերը Միութենական պետության պետական սահմանի համատեղ պարեկություն անցկացրել «Դաշնային վճռականություն-2022» զորավարժությունների շրջանակներում: Այդ մասին, ինչպես տեղեկացնում Է «Արմենպրես»-ը, հաղորդել Է Ռուսաստանի պաշտպանության նախարարությունը:
«Ռուսաստանի օդատիեզերական ուժերի (ՕՏՈւ) եւ Բելառուսի Հանրապետության ռազմաօդային ուժերի (ՌՕՈւ) Սու-30ՍՄ կործանիչների անձնակազմերը «Դաշնային վճռականություն-2022» համատեղ զորավարժությունների շրջանակներում իրականացրել են Միութենական պետության պետական սահմանի համատեղ պարեկության առաջադրանքները»,-նշված Է հաղորդագրության մեջ:
Նշվում Է, որ ինչպես զույգով, այնպես Էլ միայնակ թռիչքներ են իրականացվել օդերեւութաբանական դժվարին պայմաններում: Մարտական հերթապահության առաջադրանքների կատարման ժամանակ կատարելագործվել Է Ռուսաստանի ՕՏՈւ-ի եւ Բելառուսի ՌՕՈւ-ի ինքնաթիռների անձնակազմերի փոխգործակցությունը: Փետրվարի 10-ից մինչեւ 20-ը կանցկացվեն «Դաշնային վճռականություն-2022» ռուս-բելառուսական համատեղ վարժանքները, որոնց շրջանակներում կմշակվեն արտաքին ագրեսիայի խափանման եւ դիմագրավման, ինչպես նաեւ ահաբեկչության հակազդման եւ Միութենական պետության շահերի պաշտպանության հարցեր: Ռուսաստանի եւ Բելառուսի ներկայացուցիչները քանիցս հայտարարել են, որ զորաշարժերն ունեն պաշտպանական ուղղվածություն եւ ոչ ոքի չեն սպառնում, հաղորդել Է ՌԻԱ Նովոստին:
--00--ՍԳ