ԵՐԵՎԱՆ, ՍԵՊՏԵՄԲԵՐԻ 16, 24News
ԱԺ «Հայաստան» խմբակցության պատգամավոր Քրիստինե Վարդանյանը ֆեյսբուքյան իր էջում «Մեզ ինքնիշխանության անվան տակ վաճառում են թուրքիշխանություն» վերտառությամբ գրառում է արել, որը ներկայացնում ենք ստորև։
«Մեզ ինքնիշխանության անվան տակ վաճառում են ԹՈւՐՔԻՇԽԱՆՈւԹՅՈւՆ
Հայաստանն` ի դեմս գործող իշխանությունների, ընտրել է ոչ թե ՌԴ-ին, կամ պայմանական Արևմուտքին, այլ Թուրքիային:
Ճիշտ են ասում բոլորը, ովքեր վստահեցնում են, որ աշխարհաքաղաքական փոփոխությունների դեպքում մեզ մոտ այլ ռազմական կոնտինգետ կհայտնվի, պարզապես «մոռանում են» ասել, որ այդ կոնտինգետն ունենալու է թուրքական դրոշ:
Հայաստանի պաշտոնական քաղաքականությունը սպասարկում է Էրդողանի քաղաքականությունը:
2020 թ. պատերազմով փաստացի Փաշինյանն է, որ Անդրկովկաս վերադարձրեց Թուրքիային, ով մինչև այդ միջնորդավորված էր միջամտում տարածաշրջանի պետությունների հարաբերություններին:
Աղդամում տեղակայված մոնիտորինգային կենտրոնից մինչև Էրդողանի ուղիղ միջամտություն Հայաստան-Ադրբեջան հարաբերությունների կարգավորում և ՀՀ ներքին գործեր`մեկ բանի վկայությունն են. Փաշինյանն է գործիքներից մեկը, որով Թուրքիան ամրապնդվում է տարածաշրջանում»:
--00—ՅՄ