ԵՐԵՎԱՆ, ՄԱՐՏԻ 2, 24News
Թոմաս Տուխելը «Բավարիայի» խաղի սկզբնամասը «Ֆրայբուրգի» դեմ համեմատել է հարակիրիի հետ, փոխանցում է armsport.am-ը։
Բունդեսլիգայի 24-րդ տուրի խաղն ավարտվեց ոչ-ոքի՝ 2։2 հաշվով։
«Մենք խաղում էինք չափազանց անկարգապահ և կորցնում էինք դիրքերը։ Մենք կորցրինք գնդակը առաջ շարժվելիս և թույլ տվեցինք մրցակցին հակագրոհել: Վատ կես ժամ էր։
Այն, որ մենք չհաղթեցինք, ամբողջովին պայմանավորված էր տուգանային հարվածից խփած գոլով: Հավանաբար, մենք կարող ենք ավելի լավ պաշտպանվել այս իրավիճակներում:
Խաղացինք ոչ կարգապահ, ինչ-որ իմաստով դա հարակիրի էր։ Հանդիպման սկզբում այնպես էինք խաղում, կարծես արդեն 85-րդ րոպեն է, և պարտվում էինք 0:1 հաշվով։ Առաջին կես ժամում մենք անմիտ խաղացինք և դրա համար պատժվեցինք»,- ասել է «Բավարիայի» մարզիչ Տուխելը:
--00—ԼՀ