ԵՐԵՎԱՆ, ԱՊՐԻԼԻ 29, 24News
Հունաստանի Կոմոտինի քաղաքի երաժշտական դպրոցի դահլիճում կայացել է Հայոց ցեղասպանության 109-րդ տարելիցի ոգեկոչման միջոցառում, որին ներկա են գտնվել մի շարք պաշտոնյաներ, այդ թվում՝ գյուղտնտեսության զարգացման և պարենի փոխնախարար Ստավրոս Քելեցիսը: Հայտնում են Հունաստանում Հայաստանի դեսպանությունից։
Միջոցառման հիմնական բանախոսն է եղել Հունաստանի խորհրդարանի «Նոր Դեմոկրատիա» կուսակցության պատգամավոր, Պանտեոնի անվան համալսարանի միջազգային իրավունքի և արտաքին քաղաքականության պրոֆեսոր Անգելոս Սիրիգոսը՝ «Ցեղասպանությունն Օսմանյան կայսրությունում. ապահովել, որ այն, ինչ տեղի է ունեցել, այլեւս երբեք չի կրկնվի» թեմայով:
Ըստ աղբյուրի՝ միջոցառմանը ներկա են եղել նաև Կոմոտինի քաղաքի հայ համայնքի ներկայացուցիչներ՝ ի դեմս համայնքի ղեկավար Ստեփան Մաթեոսյանի:
--00—ՍՊ