ԵՐԵՎԱՆ, ՀՈՒՆԻՍԻ 28, 24News
Հունիսի 28-ին խոշոր ավտովթար է տեղի ունեցել Գեղարքունիքի մարզում։ Ժամը 07։30-ի սահմանում Kia Cerato մակնիշի 35 VR 548 համարանիշի ավտոմեքենայի վարորդը Երևան-Իջևան ավտոճանապարհի 65 կմ հատվածում, դեպի Սևան ընթանալիս, դուրս է եկել ճանապարհի երթևեկելի գոտուց, բախվել երկաթբետոնե արգելապատնեշներին։ Այդ մասին հայտնում է shamshyan.com-ը։
Վթարի հետևանքով ավտոմեքենայի ուղևորը մարմնական վնասվածքներով տեղափոխվել է Սևանի բժշկական կենտրոն։
Ըստ աղբյուրի՝ վարորդն ու ուղևորը կանայք են եղել։ Ոստիկանությունը պարզում է վարորդի և վիրավորի ինքնությունը։
Փաստի առթիվ նյութեր են նախապատրաստվում։
