ԵՐԵՎԱՆ, ՄԱՅԻՍԻ 3, 24News
Արդարադատության նախկին նախարար, ԱԺ նախկին փոխխոսնակ Արփինե Հովհաննիսյանը ֆեյսբուքյան էջում գրառում է արել՝ անդրադառնալով 19-ի հայ գերիների խոշտանգման ու սպանության փաստին։
«Մարդասպանները
Այսօր հայտնի դարձավ, որ 19 անձ, որոնք գերի են եղել մոլագարի ընկեր Ալիևի մոտ, խոշտանգվել ու սպանվել են: Նրանց թվում են և՜ զինծառայողներ, և՛ քաղաքացիական անձինք, այդ թվում՝ կանայք:
Նրանք ողջ կլինեին, եթե մենք երկրում իշխանություն ունենայինք: Եթե կապիտուլյանտ արյան վաճառականը կարողանար նորմալ բանակցել ու ամեն ինչ հանձնելուն զուգահեռ այդ մարդկանց հետ բերեր: Չարեց, քանզի անկարող է:
Շատերը առհասարակ ողջ կլինեին, եթե նա չլիներ կամ գնար: Ավաղ:
Նա ու իր ոհմակը այսօր հռհռում ու հրճվում էին Ազգային ժողովում: Տեսնես ինչի՞ համար: Գերիների մահվա՞ն»,-գրել է նա և հրապարակել օրվա ընթացքում ամենաշատը շրջանառված լուսանկարը։
--00—ԼՄ