ԵՐԵՎԱՆ, ՀՈՒՆՎԱՐ 17, 24News
Քրեական հեղինակություն «Վստրեչի Ապեր» մականունով հայտնի Արամ Վարդանյանի գործով դատավճիռը հրապարակվեց։ Գործով ամբաստանյալներն ընդունել են իրենց առաջադրված մեղադրանքները և միջնորդել գործը քննել արագացված դատական կարգով։ Դատարանի վճռով՝ Արամ Վարդանյանի և նրա ընկերոջ՝ Գարեգին Իսկանդարյանի նկատմամբ քրեական հետապնդումը դադարեցվել է և քրեական գործը՝ կարճվել։
Հիշեցնենք, որ, համաձայն մեղադրական եզրակացության, Արամ Վարդանյանը կազմակերպել, ղեկավարել առևանգումը և անձամբ մասնակցել է մի խումբ անձանց կողմից նախնական համաձայնությամբ 2017 թ․ հուլիսի 17-ին Նորագավիթ թաղամասում գտնվող «Արամիս» սուպերմարկետի շրջակայքից բռնության գործադրմամբ, զենքի սպառնալիքով Մամիկոն Բագրատունու բացահայտ այդ գործողությանը։ Այս գործով ամբաստանյալի կարգավիճակում է նաև Գարեգին Իսկանդարյանը։ Նա մեղադրվում է Բագրատունու առևանգման մեջ։ Վերջիններիս նկատմամբ որպես խափանման միջոց է ընտրված գրավը։
Հիշեցնենք, որ Արամ Վարդանյանը ձերբակալվել է 2018 թ. հուլիսի 30-ին Դուբայի օդանավակայանում, ապա հոկտեմբերի 1–ին Միացյալ Արաբական Էմիրություններից էքստրադիցիայի էր ենթարկվել Հայաստան։