ԵՐԵՎԱՆ, ՄԱՐՏԻ 21, 24News
Թուրքիայում նախապատրաստական աշխատանքներ են տարվում Ուկրաինայի և Ռուսաստանի նախագահներ Վլադիմիր Զելենսկիի և Վլադիմիր Պուտինի հնարավոր բանակցությունների համար։ Ինչպես հայտնում է Hürriyet-ը, Թուրքիայի նախագահի մամուլի քարտուղար Իբրահիմ Քալընը լրագրողներին ներկայացրել է Կրեմլի 6 պայմանները, որոնց դեպքում Պուտինը կհամաձայնի խոսել Զելենսկիի հետ։
Ռուսաստանի 6 պայմանները՝ ստորև․
1 – Ուկրաինայի չեզոք կարգավիճակ, այսինքն՝ հրաժարվել ՆԱՏՕ-ին անդամակցելուց
2 – Ապառազմականացում և փոխադարձ անվտանգության երաշխիքներ
3 – «Դենացիֆիկացում»
4 – Ուկրաինայում ռուսերենի օգտագործման խոչընդոտների վերացում
5 – «Ղրիմի բռնակցման ճանաչում»
6 – Դոնեցկի և Լուգանսկի Հանրապետությունների անկախության ճանաչում։
Իր հերթին Ուկրաինայի նախագահ Վլադիմիր Զելենսկին CNN-ի թղթակցին ասել է, որ ինքը պատրաստ է Ռուսաստանի նախագահ Վլադիմիր Պուտինի հետ բանակցությունների, բայց ասում է, որ եթե բանակցությունները ձախողվեն, «դա կնշանակի, որ սա երրորդ համաշխարհային պատերազմն է»։
--00--ՀԶ