ԵՐԵՎԱՆ, ՄԱՐՏԻ 22, 24News
ՏԱՍՍ գործակալությունը հայտնում է, որ «Համաշխարհային երաժշտական մշակույթի բնագավառում ներդրած ավանդի համար» ֆրանսիացի շանսոնիե Շարլ Ազնավուրին հետմահու շնորհվել է BraVo միջազգային պրոֆեսիոնալ երաժշտական մրցանակը։
«Աշխարհը կորցրեց մեծ արտիստի, բայց նրա արվեստը շարունակում Է ապրել եւ դեռ երկար կլուսավորի ոչ մեկ սերունդ: Եվ այսօր «Համաշխարհային երաժշտական մշակույթի բնագավառում ներդրած ավանդի համար» անվանակարգում BraVo միջազգային պրոֆեսիոնալ երաժշտական մրցանակը մենք շնորհում ենք Շարլ Ազնավուրին»,- հայտարարել Է արարողությունը վարող Ֆիլիպ Կիրկորովը:
«Անկարելի Է Շառլ Ազնավուրի մասին խոսել անցյալ ժամանակով: Դա համաշխարհային երաժշտության գանձարան Է: Շնորհակալություն, մաեստրո, ձեր երաժշտության, երգերի համար, որոնք ավելի գեղեցիկ, ավելի երջանիկ դարձրեցին մեր աշխարհը»,- ասել Է Թամարա Գվերդծիթելին: Նա, ի դեպ, համերգի ժամանակ կատարել Է շանսոնյեի «Հավերժական սեր» երգը։
Դափնեկիրների հայտարարման արարողությունը տեղի Է ունեցել մարտի 21-ին՝ Կրեմլի պետական պալատում։ Արձանիկը կհանձնվի երգչի ընտանիքին: