ԵՐԵՎԱՆ, ՀՈՒՆՎԱՐԻ 29, 24News
Իտալիայի Ա Սերիայի 22-րդ տուրում «Ֆիորենտինան» ընդունել էր «Ինտերին»։ Հանդիպումն ավարտվեց հյուրերի հաղթանակով՝ 1։0 հաշվով։
Խաղի միակ գոլը 14-րդ րոպեին խփեց միլանցիների հարձակվող Լաուտարո Մարտինեսը։ Հայաստանի ազգային հավաքականի նախկին ավագ Հենրիխ Մխիթարյանն «Ինտերի» մեկնարկային կազմում էր և մասնակցեց ամբողջ խաղին։
«Ինտերը» 21 խաղից հետո 54 միավորով վերադարձավ առաջին հորիզոնական՝ շրջանցելով «Յուվենտուսին», որը 22 խաղից հետո ունի 53 միավոր։
«Ֆիորենտինան» 34 միավորով 5-րդ տեղում է։
Աղբյուրը՝ Armsport.am
--00—ՅՄ