ԵՐԵՎԱՆ, ՄԱՐՏԻ 29, 24News
ՌԴ Ստավրոպոլի երկրամասում ձերբակալվել է Կենտրոնական Ասիայի երկրների 3 քաղաքացի, որոնք ահաբեկչություն էին նախապատրաստում մարդաշատ վայրերում։ Այդ մասին հայտնում է ՌԴ ԱԴԾ մամուլի ծառայությունը։
Ծառայության տրամադրած տեսանյութում արձանագրվել է, թե ինչպես է ձերբակալվածներից մեկը մտնում խանութ՝ ինքնաշեն ռումբ պատրաստելու համար անհրաժեշտ նյութեր գնելու համար։ Նշվում է, որ Ստավրոպոլում կասկածյալների բնակության վայրում քննչական գործողություններ իրականացնելիս հայտնաբերվել և առգրավվել են քիմիական նյութեր և վնասող տարրեր:
ԱԴԾ տարածաշրջանային վարչության քննչական բաժինը քրեական գործ է հարուցել «հանցագործության նախապատրաստություն և հանցափորձ» և «ահաբեկչական գործողություն» հոդվածներով:
--00—ՍՊ