ԵՐԵՎԱՆ, ՀՈՒՆԻՍԻ 10, 24News
Աբովյանի քաղաքապետի ՔՊ-ական թեկնածուի նախընտրական շտաբի ղեկավարի մեքենան եւ տան մի հատվածն այրելու դեպքով քրեական գործ է հարուցվել, որպես կասկածյալ ներգրավված անձ չկա։ Այս մասին այսօր՝ հունիսի 10-ին, լրագրողների հետ զրույցում ասաց Քննչական կոմիտե նախագահ Հայկ Գրիգորյանը։
«Քրեական օրենսգրքի 185 հոդվածի 2-րդ մասով քրգործ է հարուցվել, ճանաչվել է տուժող, հարցաքննվել է շուրջ 20 հոգի որպես վկա, նշանակվել է դատահրդեհատեխնիկական եւ դատաապրանքագիտական փորձաքննություն։ Դեռ որպես կասկածյալ ներգրավված անձ չկա»,–նշեց նա։
ՔԿ նախագահի խոսքով՝ Աբովյանում երեկվա ընտրության հետ կապված քրգործ չկա հարուցված։
Հիշեցնենք, որ հունիսի 9-ին Աբովյանում քաղաքապետի ընտրություններ էին։ Ընտրություններից մեկ օր առաջ այրել էին ՔՊ-ական թեկնածուի նախընտրական շտաբի ղեկավարի մեքենան եւ տան մի հատվածը։