Երիտասարդն աղջկան փախցրել է մեքենայով և փակել Եղվարդի տներից մեկում

ԵՐԵՎԱՆ, ՍԵՊՏԵՄԲԵՐԻ 4, 24News

Օգոստոսի 29-ին ոստիկանությունում ահազանգ էր ստացվել, որ մայրաքաղաքի Չարենցի փողոցում մի երիտասարդ մի աղջկա հարկադրաբար նստեցրել է իր մեքենան ու հեռացել։ Աղջիկն օգնություն էր կանչել, անցորդներից մեկն էլ ահազանգել էր 1-02։ 

Ոստիկանության Մարաշի բաժանմունքի քրեական հետախույզները, օպերատիվ միջոցառումների արդյունքում, պարզեցին երիտասարդի ինքնությունն ու բնակության վայրը։ Ահազանգից ժամեր անց Մարաշի ոստիկանները կասկածվողին հայտնաբերեցին ու բերման ենթարկեցին։ 

Դեպքի առթիվ ոստիկանության Կենտրոնական բաժնի հետաքննության բաժանմունքում քրեական գործ հարուցվեց, բերման ենթարկվածն էլ ձերբակալվեց։ Նախնական տվյալներով՝ նա աղջկան տարել էր Եղվարդ, որտեղ նրա կամքին հակառակ պահել մի տան մեջ՝ խափանելով աղջկա փախուստի փորձերը։ Դեպքի այլ մանրամասներ քննությամբ պարզվում են։

Տեսանյութեր

Live

Լրահոս

Related news