ԵՐԵՎԱՆ, ՀՈՒՆԻՍԻ 6, 24News
Գեղարքունիքում հակառակորդի կողմից կրակոցների ինտենսիվությունը նվազել է, լրագրողների հետ զրույցում ասաց Գեղարքունիքի մարզպետ Կարեն Սարգսյանը։
«Մարզում բնակիչները գյուղատնտեսական աշխատանքներով են զբաղված, ապրում են իրենց բնականոն կյանքով», - ասաց նա։
Ինչ վերաբերում է Սոթքի հանքավայրին՝ մարզպետն ասաց, թե հանքավայրի բաց հատվածում աշխատանքներն առաջիկա ամիսներին պետք է դադարեցվեին, սակայն, անվտանգային խնդիրներից ելնելով, հիմա են դադարեցվել, իսկ փակ հանքում աշխատանքներ իրականացվում են, հանքը մասնակի աշխատում է։
Նա ասաց, թե տարբերակներ են քննարկում, որ հանքի փակման հետևանքով անգործ մնացած մարդկանց աշխատանքի տեղավորեն։
Կարեն Սարգսյանը վստահեցրեց՝ շատ քիչ է հավանականությունը, որ մարզից մարդիկ, անվտանգային խնդիրներից ելնելով, արտագաղթեն։
«Ունենք ընտանիքներ, որ դուրս են եկել իրենց բնակավայրերից 2022 թվականի սեպտեմբերյան ագրեսիայից հետո, մի քանիսը չեն վերադարձել, բայց հիմնական հատվածը հետ է վերադարձել ու ապրում են իրենց բնակավայրերում», - նշեց նա։
--00--ԶՀ