ԵՐԵՎԱՆ, ՍԵՊՏԵՄԲԵՐԻ 14, 24News
Երեկ՝ սեպտեմբերի 13-ին, ՀՀ Ներքին գործերի նախարարության Ոստիկանության Պարեկային ծառայության Երևան քաղաքի գնդում օպերատիվ տեղեկություններ են ստացվել, որ Կենտրոն վարչական շրջանում Opel մակնիշի ավտոմեքենայում միջազգային հետախուզվող կա։
Ինչպես հայտնում է ֆոտոլրագրող Գագիկ Շամշյանը, որպեսզի Opel-ը կարճ ժամանակում հայտնաբերեն ու նա չկարողանա տարածքից դուրս գալ, ՊԾ Երևան քաղաքի գնդի հրամանատար Անդրանիկ Իսախանյանի, գնդի ծառայության ավագ տեսուչ Հարություն Գրիգորյանի, ՊԾ Երևան քաղաքի գնդի 2-րդ գումարտակի հրամանատարի տեղակալ Դավիթ Նիկողոսյանի գլխավորությամբ իրականացվում է օպերացիա ու արդեն Վարդանանց փողոցում 2-րդ գումարտակի 3-րդ վաշտի ավագ պարեկ Նարեկ Սարգսյանն ու կրտսեր պարեկ Մերի Վառյանը նկատում են կասկածելի Opel-ը և կանգնեցնում։
Պարզվում է, որ ստացված օպերատիվ տեղեկությունները հավաստի էին․ վարորդը, ով Արմավիրի մարզի բնակիչ, 50-ամյա Արաիկ Մ․-ն է, տեղափոխվում է ոստիկանության Մարաշի բաժանմունք։
Գ․ Շամշյանի տեղեկություններով՝ նա միջազգային հետախուզման մեջ է գտնվում 2022 թվականի հոկտեմբերից Ռուսաստանի Դաշնության քրեական օրենսգրքի 322 հոդվածի 2-րդ մասի «Ա կետի հատկանիշներով» (թրաֆիքինգ) մեղադրանքով և նրա նկատմամբ խափանման միջոց է ընտրված եղել կալանքը։
Առավել մանրամասն՝ սկզբնազբյուր կայքում։
--00—ԼՀ