ԵՐԵՎԱՆ, ՆՈՅԵՄԲԵՐԻ 30, 24News
Արցախի անմիջական ներգրավումը բանակցային գործընթացում պրակտիկ նշանակություն ունի, այդ մասին հստակ ասվել է։ Անդրադառնալով Արցախի հարցի կարգավորման գործընթացին, այս մասին լրագրողներինյցում հայտնել է ՀՀ արտաքին գործերի նախարար Զոհրաբ Մնացականյանը։
«Այս անբնական պայմաններում մենք ստիպված ենք ինչ-որ չափով երկու ուղղություններով բանակցել, և ես իմ գործընկերոջ՝ Արցախի ԱԳ նախարար Մասիս Մայիլյանի հետ մշտական կապի մեջ եմ: Արդյունքում բանակցային գործընթացում ենք լինում նաև Արցախի հետ, ինչը պրակտիկ առումով ոչ էֆեկտիվ է, և Արցախի ներգրավումը ուղղակի պրակտիկ նշանակություն ունի այս գործընթացի համար»,- ասել է նախարարը:
Անդրադառնալով ՌԴ ԱԳ նախարար Սերգեյ Լավրովի հայտարարության այն մասին, որ Արցախի հարցի կարգավորումը պետք է ընդունելի լինի երեք ժողովուրդների համար, Մնացականյանը նշել է, որ Արցախի հարցի լուծումն առանց Արցախի մասնակցության, առանց Արցախի ձայնի անհնար է․
«Իրողություն է, որը ընդունվել է և արտահայտվել տարբեր առիթներով. վերջին անգամ նաև ՌԴ ԱԳ նախարարի կողմից, բայց նաև այնպես չէ, որ ԵԱՀԿ Մինսկի խմբի մյուս համանախագահողների համար նույնչափ ընկալելի չէ: Սա իրողություն է, որից խուսափելն անհնար է»։
Սահմանային իրավիճակի և հայկական կողմի զոհերին ու վիրավորներին մասին նախարարն ասել է, որ գործողությունները, որոնք էսկալյացիայի ռիսկերի նվազեցում կբերեն, մնում են գերակայություն և բանակցային փաթեթի կարևոր մաս են: