ԵՐԵՎԱՆ, ԱՊՐԻԼԻ 3, 24News
Բրիտանացի մոդել Ալեքսինա Գրեմը վարակվել է կորոնավիրուսով։ Այս մասին տեղեկանում ենք Գրեմի ինսթագրամյան էջից: Մոդելն վարակվելուց հետո անմիջապես հիվանդանոց է տեղափոխվել։ Նա ներկայացրել է, թե ինչ ձևով է արտահայտվել հիվանդությունն իր օրգանիզմում:
«Առաջին օրը ես փսխում էի, ունեի դիարեա։ Տենդ սկսվեց, իսկ հետո, երբ քնած էի, ուժեղ դող սկսվեց։ Գլուխս պտտվում էր, դժվար է շնչել»։
Մոդելը նկարագրել է, որ ախտանիշների ընթացքում չի կարողացել ճիշտ նախադասություններ արտահայտել, չի կարողացել ինքնուրույն լվացվել, ուտելուց ունեցել է դժվարություններ:
Նա դիմել է բոլորին՝ որպեսզի մեկուսանան և գտնվեն բժիշկների հսկողության տակ:
«Ես տեսնում եմ, որոշ մարդիկ այս հիվանդությանը լուրջ չեն վերաբերվում»,- հավելել է Գրեմը: Նա նաև շնորհակալություն է հայտնել բոլորին՝ բարի նամակների և մտահոգության համար: