ԵՐԵՎԱՆ, ՆՈՅԵՄԲԵՐԻ 13, 24News
ՌԴ նախագահ Վլադիմիր Պուտինը հրամանագիր է ստորագրել` ԼՂ-ի համար հումանիտար արձագանքման միջգերատեսչական կենտրոն ստեղծելու մասին: Այս մասին հայտնում է Կրեմլի մամուլի ծառայությունը:
Նպատակ ունենալով նպաստել Լեռնային Ղարաբաղում քաղաքացիական ենթակառուցվածքների վերականգնմանն ու հումանիտար խնդիրների լուծմանը` որոշվում է.
1. Ստեղծել Հումանիտար արձագանքման միջգերատեսչական կենտրոն:
2. Սահմանել, որ.
ա) Միջգերատեսչական կենտրոնի հիմնական գործառույթներն են.
օժանդակել ԼՂ տարածքները լքած քաղաքացիների` իրենց մշտական բնակության վայրերը վերադարձին,
օժանդակել ՀՀ և Ադրբեջանի պետական մարմիններին` ԼՂ-ում քաղաքացիական ենթակառուցվածքների վերականգնման և բնակչության նորմալ կենսագործունեության պայմանների ապահովման հարցում,
ապահովել ռուսական պետական մարմինների և ԼՂ շրջանների բնակիչներին հումանիտար օգնության ցուցաբերման հարցով զբաղվող հասարակական կազմակերպությունների գործունեության համակարգում,
օժանդակել ՀՀ և Ադրբեջանի պետական մարմիններին միջազգային հումանիտար կազմակերպությունների հետ համագործակցության կազմակերպման հարցում:
Կազմակերպչական և Միջգերատեսչական կենտրոնի ստեղծման ու գործունեության հետ կապված այլ հարցերի վերաբերյալ որոշումների կայացումը վերապահված է ՌԴ պաշտպանության նախարարությանը:
ՌԴ նախագահի հրավիրած` ԼՂ հարցով հումանիտար խորհրդակցության ընթացքում հաղորդվել է, որ ՌԴ արտակարգ իրավիճակների ծառայությունը 8 ժամվա ընթացքում պատրաստ Լեռնային Ղարաբաղ ուղարկել 150 փրկարարներից կազմված խմբավորում և 17 միավոր տեխնիկա:
--00--ԱԹ