ԵՐԵՎԱՆ, ԴԵԿՏԵՄԲԵՐ 6, 24News
ԱԱԾ նախագահ Արթուր Վանեցյանի և վարչապետ Նիկոլ Փաշինյանի, ինչպես նաև Արթուր Վանեցյանի ու ՀՔԾ պետ Սասուն Խաչատրյանի հեռախոսազրույցների առնչությամբ գաղտնալսված, դեկտեմբերի 4-ին հրապարակված նոր ձայնագրությունը ևս քննության առարկա կդարձվի:
Այդ մասին 24News-ի հետ զրույցում հայտնեց գլխավոր դատախազության հանրային կապերի բաժնի պետ Արևիկ Խաչատրյանը։
«Գաղտնալսված հրապարակված նոր ձայնագրությունը քննության առարկա կդարձվի ներկայում քննչական կոմիտեում քննվող քրեական գործի շրջանակում, և կտրվեն քրեաիրավական գնահատականներ»,- ասաց նա:
Նախկինում հրապարակված ձայնագրության առնչությամբ հարուցվել էր քրեական գործ քրեական օրենսգրքի 146-րդ հոդվածի 1-ին մասի և 254-րդ հոդվածի 3-րդ մասի 4-րդ կետի հատկանիշներով: