ԵՐԵՎԱՆ, ՓԵՏՐՎԱՐԻ 10, 24News
Փետրվարի 8-ին, ժամը 20.55-ին, ոստիկանություն ահազանգած քաղաքացին հայտնել էր, որ հարձակվել են Բուզանդի փողոցի իր տան վրա:
Մեկնած օպերատիվ խմբի ծառայողները նշված վայրից, մարմնական վնասվածք հասցնելու կասկածանքով, բերման են ենթարկել երեք տղամարդու:
Ժամը 21.55-ին ոստիկանության Կենտրոնական բաժին հիվանդանոցից հաղորդում է ստացվել, որ Աբովյան և Բուզանդի փողոցների խաչմերուկից շտապօգնության խումբը «կրծքավանդակի ծակած վերք» ախտորոշմամբ բուժօգնության է տեղափոխել անհայտ քաղաքացու: Ձեռնարկված օպերատիվ-հետախուզական միջոցառումների շնորհիվ պարզվել է նրա ինքնությունը: Պարզվել է նաև, որ տղամարդուն վնասվածքը պատճառել էր բերման ենթարկվածներից 48-ամյա տղամարդը։
Հարուցվել է քրեական գործ՝ ՀՀ քրեական օրենսգրքի 112-րդ հոդվածի (Դիտավորությամբ առողջությանը ծանր վնաս պատճառելը) 1-ին մասի հատկանիշներով:
Մեկ անձ ձերբակալվել է:
Հանցագործության գործիք դանակն առգրավվել է:
Կատարվում է նախաքննություն։
--00—ՄՀ