ԵՐԵՎԱՆ, ԱՊՐԻԼԻ 20, 26News
Չինաստանի պաշտպանության նախարարը, Պենտագոնի ղեկավարի հետ զրույցում շեշտել է, որ ԱՄՆ-ն պետք է դադարի թերագնահատել Չինաստանի վճռականությունն ու կարողությունները: Այս մասին գրում է ՏԱՍՍ-ը։
Չինաստանի պաշտպանության նախարար՝ Վեյ Ֆենհենը Պենտագոնի ղեկավարի հետ զրույցում մասնավորապես ասել է, որ Չինաստանն ԱՄՆ-ի հետ հարաբերությունների կայուն զարգացման հույս ունի, բայց կպաշտպանի իր ինքնիշխանությունը:
Չինաստանի պաշտպանության նախարարն ասել է, որ ԱՄՆ-ն պետք է դադարեցնի Ուկրաինայի հարցը որպես պատրվակ օգտագործել Չինաստանի վրա սպառնալիքների և ճնշում գործադրելու համար:
Նա նաև շեշտել է, որ Թայվանը Չինաստանի մի մասն է, այս փաստը և ստատուս քվոն հնարավոր չէ փոխել: Ըստ պաշտոնյայի՝ Թայվանի խնդրի նկատմամբ սխալ վերաբերմունքը կարող է ճակատագրական ազդեցություն ունենալ Չինաստան-ԱՄՆ հարաբերությունների վրա։
ԱՄՆ-ը պետք է դադարեցնի ռազմական սադրանքները ծովում, ասել է Չինաստանի պաշտպանության նախարարը։
--00--ՆՍ