ԵՐԵՎԱՆ, ՄԱՐՏԻ 16, 24News
Կառավարության՝ մարտի 16-ի նիստի ժամանակ ՀՀ վարչապետ Նիկոլ Փաշինյանը ներկայացրել է վերջին միջադեպերը, որոնք տեղի են ունեցել Արցախում, և այս համատեքստում տեղեկացրել է, որ Հայաստանը դիմելու է ՄԱԿ-ին։
«Կարևոր և անհետաձգելի եմ համարում, որ Հայաստանը միջոցներ ձեռնարկի ցեղասպանությունների կանխարգելման, միջազգային մեխանիզմների գործարկման ուղղությամբ։ Խոսքը մասնավորապես ՄԱԿ-ի շրջանակներում նախատեսված մեխանիզմների մասին է։ Այս մասին արտաքին գործերի նախարարությանը տվել եմ համապատասխան հանձնարարականներ։
Ուզում եմ հիշեցնել, որ շարունակվում են աշխատանքները Լաչինի միջանցք և ԼՂ միջազգային փաստահավաք առաքելություն գործուղելու ուղղությամբ։
Կարծում եմ՝ փաստահավաք առաքելությունը կարևոր է նաև հասցեագրելու Ադրբեջանի անհիմն պնդումները, թե ՀՀ-ն ԼՂ-ում բանակ ունի, և որ Հայաստանից դեպի ԼՂ ռազմական փոխադրումներ են իրականացվում։
Այս պնդումները անհիմն են, և Ադրբեջանը փորձում է դրանք տարածաշրջանային էսկալացիայի նոր պատրվակ դարձնել, հետևաբար միջազգային փաստահավաք առաքելության գործուղումը ԼՂ և Լաչինի միջանցք նաև այս առումով է դառնում անհրաժեշտություն»,-ասել է նա։
Նիկոլ Փաշինյանը նաև հավելել է, որ Ադրբեջանի ռազմաքաղաքական ղեկավարությունը ԼՂ ժողովրդի նկատմամբ էթնիկ զտումների ցեղասպանության նախապատրաստություններ է տեսնում։
Մանրամասները՝ տեսանյութում։
--00—ԼՄ